అంజలీ దేవి కి అంజలి - నమః సుమాంజలి - TODAY GREAT ACTRESS ANJALI DEVI - PEDDAPURAM MOMORIAL DAY

అంజలీ దేవి కి అంజలి - నమః సుమాంజలి

ఈ రోజు మన పెద్దాపురం మహానటి ఆరాధ్య కధానాయకులకు సైతం ఆరాధ్య నటీమణి  తెలుగు సినీ కళామతల్లి ముద్దుల కూతురు...  సినీ సీతమ్మ తల్లి  అంజలీ దేవి వర్ధంతి సందర్భంగా - పెద్దాపురానికి గర్వకారణమైన అంశంగా నిలిచినా అంజలీ దేవికి అంజలి ఘటిద్దాం

చివరి శ్వాస వరకూ తన ఊరు పెద్దాపురం అని గర్వంగా చెప్పుకున్నారు
మరణం అనంతరం ఆమె అవయవాలను అవయవదానం చేసి స్ఫూర్తి ప్రదాతగా నిలిచారు ... జోహార్ అంజలీ దేవి - జై పెద్దాపురం


పెద్దాపురం చరిత్ర - వంగలపూడి శివకృష్ణ

PLEASE VISIT AMARAGIRI SATTEMMA TEMPLE AT PEDDAPURAM PANDAVULAMETTA

*రండి అమ్మవారిని దర్శించండి*
*కొలిచిన వారిని కంటికి రెప్పలా కాపాడి* *కష్టాలు కడదేర్చి కన్నీళ్లు తొలగించి* *కోరిన వెంటనే కోర్కెలు తీర్చే కల్పవల్లి* *మన కోట సత్తెమ్మ అమ్మవారు*

*అమ్మ దయ అపారం* *అమ్మ దయ ఉంటే అన్నీ ఉన్నట్టే* *అమరిగిరి సత్తెమ్మ వారిని దర్శించండి**అన్ని అరిష్టాల నుండీ విముక్తి పొందండి*

పెద్దాపురం చరిత్ర - వంగలపూడి శివకృష్ణ

చారిత్రిక పెద్దాపురం సంస్థానం కోడి పందాలు : విజయ నగరం మహారాజు ఆనంద గజపతి Vs పెద్దాపురం సంస్థానం మహారాజు రాయ జగపతి (Peddapuram Cock Fight)

పెద్దాపురం చరిత్ర - వంగలపూడి శివకృష్ణ

చారిత్రిక పెద్దాపురం సంస్థానం కోడి పందాలు :
పండగ వచ్చిందంటే చాలు మనందరి ఆలోచనలు అనుకోకుండానే కోడి పందాల వైపు మళ్ళుతాయి పెద్దాపురం మరియు పరిసర ప్రాంత ప్రజల కోడి పందాల పిచ్చి రాష్ట్రం నలుమూలలకు పాకింది ... కోడి పందాలకే కాదు పందెం కోళ్లకు శిక్షణ ఇచ్చే నిపుణులకూ పెద్దాపురం ప్రసిద్ధి .... రాష్ట్రం నలుమూలలనుంచీ పెద్దాపురం వచ్చి ఇక్కడి నిపుణులు పెంచిన కోళ్లను తీసుకుపోతుంటారు పందాల రాయుళ్లు .... అయితే ఈ పందాల ఆసక్తి ఈ నాటిది కాదు రాజుల కాలం నుండీ ఉంది... పెద్దాపురం చరిత్రలో కోడి పందాలు అనగానే టక్కున గుర్తొచ్చే రెండు పేర్లు విజయ నగరం సంస్థాన మహారాజు ఆనంద గజపతి మరియు పెద్దాపురం సంస్థానం మహారాజు రాయ జగపతి

వీరిద్దరూ విజయనగర సంస్థాన మహారాజు శ్రీ రాజా పెద విజయరామ గజపతి సంరక్షణలో కొన్ని సంవత్సరాలు పెరిగారు అయినప్పటికీ వీరిద్దరికీ ఒక్క క్షణం కూడా పడేదికాదు సకల విద్యా పారంగతులై ... సమ ఉజ్జీవులైన వీరిద్దరూ ప్రతీ విషయం లో పోటీ పడే వారు... మరీ ముఖ్యంగా కోడి పందాలలో...గెలుపోటములు ఇరువురికీ అటూ ఇటూ అయినా ఒకానొక సందర్భంలో పందెంలో ఓడిపోయిన ఆనంద గజపతి "మా పెంపుడు కోడే గెలిచింది" లే అంటూ గేలి చేసినట్టుగా కధనం...

  చారిత్రక పెద్దాపురం కోట వేదికగా కనుమ నాడు ఈ కోడి పందాలు అత్యంత వైభవంగా జరిగేవని ఆ పందాలలో పాల్గొనడానికి ... అనేక సంస్థానాల మహారాజులు వచ్చేవారని తెలుస్తుంది...

మరింత ఆసక్తి కరమైన కధనం ఏమిటంటే ఒకా నొక యుద్ధంలో  బ్రిటీషు వారి వైపు నిలిచి పోరాడాలని  ఆనంద గజపతి ... ప్రెంచి వారి వైపు నిలవాలని రాయ జగపతి పట్టు బట్టగా కోడి పందాల ద్వారా తేల్చుకున్నారని మరొక కధనం...

1758 చెందుర్తి యుద్ధంలో  1759 వ సంవత్సరంలో ఉండూరు వద్ద జరిగిన యుద్ధంలో  వీరిరువురూ హోరా హోరీ గా పోటీ పడగా ఉండూరు యుద్ధంలో పెద్దాపురం మహారాజు రాయ జగపతి తుపాకీ గుండు దెబ్బకు మరణించగా ... 1760 వ సంవత్సరంలో విజయ నగరం మహారాజు ఆనంద గజపతి అస్వస్థతతో మరణించినట్టుగా చరిత్ర చెబుతోంది.... మొత్తానికి పందెం కోళ్లు రెండూ ఉన్నన్నాళ్లూ విరుద్ధంగా ఉండడం ... మరణం కూడా స్వల్పకాల వ్యవధిలో సంభవించడం చరిత్రలో ఒక పోరు కధగా మిగిలి పోయింది ....

HAPPY BHOGI, SANKRANTHI, KANUMA - PLEASE DON'T CUT THE TREES IN THIS FESTIVAL - HUGE CAMPAIGN IS GOING ON BY VANGALAPUDI SIVA KRISHNA & TEAM PEDDAPURAM

మిత్రులందరికీ ముందుగా #భోగిపండుగ శుభాకాంక్షలు
ఈ భోగిపండుగకు #పచ్చనిచెట్లు నరకకండి - నరకనివ్వకండి

భోగి పులకల్లోనే, భోగి పళ్ళుతోనే, భోగి పిడకలతోనే పండుగ అందాలు
భోగి పండుగ నాడు భోగి స్నానం చేసే బంధువులందరికీ భోగ భాగ్యాలు 
భగభగ మండేటి ఆ భోగి మంటల్లో భస్మం అయిపోవాలి బాదరబందీలు
తగల బెట్టేయండి తమో రజ గుణాలు - తగలబెట్టమాకండి పచ్చని చెట్లు

ఆ రోజుల్లో నెలగంట పెట్టిన నాటినుండీ మకర సంక్రమణం ముందు రోజు (భోగి) వరకూ మేము ఎంతో ఉత్సాహంతో " #ఎప్పుడు_ఎప్పుడు_పండుగ_ఏడాది_పండుగ - # వేసినోళ్లది_పుణ్యం_వెయ్యనోళ్లది_పాపం" అంటూ నినాదాలిస్తూ ఇంటింటికీ తిరిగి పిడకలు, పుల్లలు, కిరసనాయిలు సేకరించే వాళ్ళం ... పొలాల గట్ల వెంబడి తిరిగి ఏరు పిడకలు, ఎండుతాటాకులు సేకరించేవాళ్ళం మోడుబారి విరిగిపడిపోగా మూలన పడవేసిన కొబ్బరి దుంగలను, తుమ్మ మోడులను మోసుకొచ్చి మంట కోసం దాచే వాళ్ళం .... పండుగ నాడు #భోగిమంటలో వెయ్యడం కోసం ఆవుపేడతో తయారు చేసిన భోగి పిడకల దండలు ఎవరు ఎక్కువ చేస్తారా అని పోటీ పడే వాళ్ళం మరి ఇప్పుడో అదేమీ లేదు సరి కదా...

#వృక్షో_రక్షతి_రక్షితః అంటూ ప్రతీ ఒక్కరూ పూజించుకునే పవిత్ర భారతదేశంలో మన తెలుగు వారి పండుగ భోగి పేరు చెప్పి ఒక్క బోగి రోజే... మన ఆంధ్రప్రదేశ్ లో కొన్ని లక్షల వృక్షాలు నరికి వేతకు గురవుతున్నాయి - ఇది చాలా విచారించదగ్గ వాస్తవమైన విషయం - ఒకరిని మించి ఒకరు పెద్ద పెద్ద భోగి మంటలు వేయాలనే ఉత్సాహంతో పోటీపడి మరీ పచ్చని చెట్లు నరికి వేస్తున్నారు ... పర్యావరణానికి కీడు చేస్తున్నారు... అనేక సార్లు ఈ చెట్లు నరికే ప్రక్రియలో భారీ భోగిమంటలు వేయాలనే ఆత్రుతతో అనేక ప్రమాదాలు కొనితెచ్చుకుని ప్రాణాలు కోల్పోయిన సంఘటనలెన్నో... !

అందుకే సాంప్రదాయాన్ని ఆచార వ్యవహారాల్ని అడ్డదారులు పట్టిస్తూ ఆడంబరాలకు పోయి అతుత్సాహం ప్రదర్శిస్తూ పర్యావరణానికీ పెనుముప్పుగా పరిణమించే పరిస్థితుల నుండీ ప్రతీ ఒక్కరూ దూరంగా వుండాలని... ఈ పరమ పవిత్రమైన పండుగను మన ఆంధ్రుల అసలు సిసలు సాంప్రదాయ పద్దతిలో మంచి ఆహ్లాదకరమైన వాతావరంలో అందరూ ఆనందంగా జరుపుకోవాలని ఆకాంక్షిస్తూ ... #మీ_వంగలపూడి_శివకృష్ణ - మన పెద్దాపురం టీం 

Peddapuram Municipality Chairman Sri Raja Suribabu Raju Bio Data

     HAPPY BIRTHDAY to #Sri_Raja_Suribabu_Raju_Garu  
#పెద్దాపురం_ప్రథమపౌరునికి_హృదయపూర్వక_జన్మదిన_శుభాకాంక్షలు

#పేరు : రాజా సూరిబాబు రాజు

#పూర్తిపేరు : శ్రీ రాజా వత్సవాయ లక్ష్మీ సూర్యనారాయణ జగపతి బహద్దరు మహారాజు

#జననం : 07 - 01 - 1954 (న్యూమరాలజీ టోటల్ = 9) రాజయోగం

#తల్లిదండ్రులు : శ్రీ సూర్యనారాయణ జగపతి శ్రీమతి నర్శిమూర్తియమ్మ దంపతులు

#విద్యాభ్యాసం : లూథరన్ హైస్కూల్, మహారాణీ కళాశాల, పెద్దాపురం

#రాజకీయం : మహారాణీ కళాశాల అధ్యక్షులుగా గెలుపు, కాంగ్రేస్ పట్టణ అద్యక్షులు... జిల్లా కాంగ్రేస్ యువ నాయకులు... మహారాణీ సత్రం కార్యనిర్వాహక అధ్యక్షులు...1999 నుండి తెలుగుదేశం పార్టీ రాష్ట్ర కార్యదర్శిగా పార్టీకి సేవలు... రెండు సార్లు పెద్దాపురం పురపాలక సంఘ కార్యనిర్వాహక అధ్యక్షులు

(అప్పటికే పెద్దాపురంలో అత్యంత బలంగా పాతుకుపోయిన కాంగ్రేస్ కంచుకోటని బద్దలు గొట్టి మొదటిసారి తెలుగుదేశం జెండాని ఎగురవేసిన మొట్టమొదటి పెద్దాపురం టి.డి.పి చైర్మన్ 31/03/2000 నుండి 30/03/ 2005 వరకూ మరియు రెండవసారి కూడా విజేతగా నిలిచి 03.07.2014 న చైర్మన్ బాధ్యతలు స్వీకరించారు)

#తెలుగుదేశం పార్టీ రాష్ట్ర కార్యదర్శిగా అటు పార్టీ కార్యక్రమాలలో... మరియు నవ్యాంద్ర నిర్మాణంలో చురుకుగా పాల్గొంటూ... ఇటు #పెద్దాపురం ప్రథమ పౌరుడిగా ప్రముఖ పాత్ర పోషిస్తూ... అత్యంత ప్రభావశాలియైన రాజకీయనాయకుడిగా అందరి మన్ననలూ పొందుతూ... అందరినీ అక్కున చేర్చుకుంటూ చిన్న పిల్లల్ని సైతం ఆప్యాయంగా పలకరిస్తూంటారు.

#నియోజకవర్గంలో ప్రతీ కార్యక్రమానికీ హాజరవుతూ కష్టం అన్న ప్రతీఒక్కరినీ ఆదుకుంటూ... అనుకున్న అభివృద్ధి పనిని అందుకోవాల్సిన లక్ష్యాన్ని ఎన్ని అవాంతరాలు వచ్చినా వదలని మనిషిగా #కులమతాలకి అతీతంగా పేదల సంక్షేమమే పరమావదిగా పరిపాలన చేసే#ప్రజానాయకులుగా పేరుపొందారు...

#పాలిటిక్స్ ఎన్నికలవరకే ... ఎన్నికల తర్వాత ప్రతీ పనీ ఊరి అభివృద్ధి కొరకే అని విశ్వసించే వారిలో మొదటి వరసలో వుంటారు ... ముక్కు సూటిగా వ్యవహరిస్తారు... నాన్చేధోరణి సహించరు.. న్యాయం ఎటు ఉంటే అటు నిలబడతారు అది అధికార పక్షమా... ప్రతి పక్షమా అనిచూడరు

#టెన్నీస్_చాంపియన్ గా ... హార్స్ రైడర్ గా... రైఫిల్ షూటర్ గా... ఇంకా అనేక క్రీడలలో ప్రావీణ్యులుగా... క్రీడాభ్యుదయానికి బాటలువేస్తూ క్రీడాకారులను అభినందిస్తూ ... ప్రోత్సహిస్తూ యువక్రీడాకారులలో స్పూర్తినింపుతున్నారు

#పెద్దాపురం_ప్రాశస్త్యాన్ని ప్రతిభింబింపజేసే ప్రతీ అంశాన్నీ గౌరవిస్తూ... పెద్దాపురం ప్రాముఖ్యతని ప్రతీ చోటా తెలియజేస్తూ... #పెద్దాపురం_చరిత్రని ప్రపంచానికి పరిచయం చేయాలనుకునే ప్రతీఒక్కరిని ప్రోత్సహిస్తున్నారు

#చారిత్రక_పెద్దాపుర పునర్నిర్మాణానికి పునాధిరాళ్లు పేరుస్తూ... పునర్వైభవానికి విశేషకృషి చేస్తూ... పురపాలక సర్వతోముఖాభివృద్ధికి సర్వదాకృషి చేస్తున్న #పెద్దాపురం_ప్రథమపౌరులు - #శ్రీరాజా_సూరిబాబురాజు గారు ఇలాంటి పుట్టిన రోజులు మరెన్నో జరుపుకోవాలనీ... ఆయన నిండు నూరేళ్లు ఆయురారోగ్య సుఖ సంతోషాలతో వర్థిల్లాలని మనస్పూర్తిగా ఆ భగవంతుని ప్రార్థిస్తూ...#మీ_వంగలపూడి_శివకృష్ణ

🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻