AIDS DAY BY PEDDAPURAM YOUTH @ENTIRE ANDHRA PRADESH

VANGALAPUDI SIVAKRISHNA
-------------------------------------
రాష్ట్రమంతటా HIV / AIDS Campaign చేసిన ఆనాటి రోజులు గుర్తుకొచ్చాయి

అది పెద్దాపురాన్ని కాల సర్పం కసిగా కాటు వేసిన కాలం
కాలధర్మం కోసం కాలయముడు కాచుకు కూర్చున్న కాలం
ప్రపంచానికి పెద్దాపురాన్ని వేశ్యాపురంగా పరిచయం చేసిన కాలం

కడుపు దహించుకు పోతున్నా శరీరం కుచించుకు పోతున్నా
తప్పని సరి పరిస్థితులలో తప్పుడు మంచాలు చేరి
పడుపు వృత్తి పంచన వంచనలు భరించిన
కళావంతుల కన్నెల వేదనలు ఓవైపు


వ్యసనాలకు బానిసలై విష సంస్కృతి పీడితులై
విచ్చల విడి కామికులై వీధుల పడి తిరుగుతూ
వి.సి.డి లలో బూతు పురాణమ్ విలువైన కాలం వేశ్యార్పణం
వద్దని వారిస్తున్నా వినిపించని వైనంతో మూర్కత్వపు యువకులు వైపు


వెరసి ఆనాటి పెద్దాపురం లో ....... !
వీధి వీధి కి విగతజీవులు
ఊరి పొడవునా జీవచ్చవాలు
మరణ శాసనం మనో పలకం పై
ముద్రించుకున్న మూగజీవులు - ఎయిడ్స్ రోగులు