చారిత్రక పెద్దాపురం : పార్వతీ పరమేశ్వర స్థూపాలు రాయభూపాల పట్నం

పెద్దాపురం చరిత్ర - వంగలపూడి శివకృష్ణ

రాయభూపాల పట్నం చారిత్రక పెద్దాపురం లో పురాతన చరిత్రకలిగిన గ్రామం రాగమ్మ చెరువులో పార్వతీ పరమేశ్వర స్థూపాలు శాతవాహనుల నాటి చరిత్రకు ఆనవాలుగా కొందరు చరిత్రకారులు అభిప్రాయం పడుతుంటే మరికొందరు ఇవి మహా శివభక్తులైన చాళుక్యులు నిర్మాణం చేయగా తురుష్కులు ధ్వంసం చేసిన మహా శివాలయం నాటి శిధిల ఆనవాళ్లు అని అభిప్రాయపడుతున్నారు అలనాటి చారిత్రిక సౌరభాలు శిధిలావస్తలో భూమి దొంతరల్లో మరుగున పడిపోయి ఉన్నప్పుడు పెద్దాపురం సంస్థానానికి చెందిన మహారాజులు త్రవ్వించినా తటాకాల మూలంగా చాలా వరకూ బయపడ్డాయి అలాంటి వాటిలో ఇదీ ఒక్కటి .... స్థానికులు మాత్రం రాగమ్మ చెరువులోని ఈ స్థూపాలను పార్వతీ పరమేశ్వర స్థూపాలు గా పిలుస్తారు

Whitteker Girls High School Near Peddapuram - Samalkota

పెద్దాపురం చరిత్ర - వంగలపూడి శివకృష్ణ

An Old and Valuable Images of Samalkot Peddapuram Constituency Peddapuram Division

OLD Church at SAMALKOTA

WHITTLEKAR GIRL HIGH SCHOOL - SAMALKOT - PEDDAPURAM - HERE12 ACRES OF LAND  PURCHASED & THIS BUILDING CONSTRUCTED BY REV.ADAM LONG in the name of MISS.PAULINE WITTEKAR

VARIATIONS OF VANGALAPUDI SIVA KRISHNA PEDDAPURAM

మన పెద్దాపురం : ముగ్గురమ్మలు FAMOUS THREE OF PEDDAPURAM

పెద్దాపురం చరిత్ర

మన పెద్దాపురం : ముగ్గురమ్మలు
ఒక అమ్మ మరిడమ్మ - మా ఊరి ఇలవేల్పు
ఒక అమ్మ సీతాయమ్మ - అన్నార్తుల ఇలవేల్పు
ఒక అమ్మ సీతమ్మ - వెండితెర ఇలవేల్పు

ఇలా పెద్దాపురం లో ప్రతీ చారిత్రక అంశాన్ని హోర్డింగులు ద్వారా పెద్దాపురం వచ్చే ప్రతీ ఒక్కరికీ తెలిసేలా ఏర్పాటు చెయ్యాలి - వీరి చరిత్ర ఏంటో - పెద్దాపురం అసలు చరిత్ర ఏంటో దాని గొప్పతనం ఏంటో తెలుసుకోవాలనే ఆసక్తిని ప్రతీ ఒక్కరిలో నింపుతాం - దీనికి పెద్దలు సహకరించాలని విజ్ఞప్తి చేస్తున్నాం - మనపెద్దాపురం గ్రూప్

VANGALAPUDI SIVAKRISHNA

VANGALAPUDI SIVA KRISHNA PEDDAPURAM

పెద్దాపురం చరిత్ర
#పరుగుల పెడుతున్న ప్రపంచంలో #మన_పెద్దాపురం యొక్క #విశిష్టతలు,సాంకేతికంగా అభివృద్ధి జరుగుతున్న ఈ తరంలో కూడ పెద్దాపురం యొక్క #ప్రత్యేకతలని తనధైన రీతిలో ప్రపంచానికి అందిస్తున్నా మాVangalapudi Siva Krishna గారికి నా #ప్రత్యేక అభినందనలు

FROM #SIVA FRNDSTO SUPPORT

OLDEST CINIMA THEATER IN PEDDAPURAM

Oldest Cinema Theater In E.G.Dt is #Somaraju Theatre

తూర్పు గోదావరి జిల్లాలోనే అత్యంత పాత సినిమా థియేటర్ గా సోమరాజు థియేటర్ పేరు గాంచింది బహుశా ఇది జిల్లాలో రెండవ పురాతన సినిమా హాల్ కావచ్చు

మన జిల్లా వాసులకి సినిమాలంటే ఎంత క్రేజ్ ఉందో నేను ప్రత్యేకంగా చెప్పనవసరం లేదు :

ఈ అరుదైన "కింగ్ స్టార్" శోభన్ బాబు గారి #దేవాలయం సినిమా విజయాన్ని ఆశిస్తూ#పెద్దాపురం కంచర వీధికి చెందిన అతని అభిమానులు విడుదల చేసిన ఈ బులిటెన్ ను బట్టి ఆనాటి జిల్లా వాసుల అభిమానం అంచనా వేయచ్చు

VANGALAPUDI SIVA KRISHNA

పెద్దాపురం చరిత్ర

A VISIT OF THIRUPATHI - FROM PEDDAPURAM BY VANGALAPUDI SIVA KRISHNA

పెద్దాపురం చరిత్ర

పెద్దాపురం కళాఖండాల మధ్య సప్తగిరులు
శేషాచల కొండల్లో - సప్తగిరుల సందర్శనం
ఇటీవల తిరుపతి వెళ్ళినప్పుడు నన్ను బాగా ఆకర్షించిన అంశం నేను తిరుపతి వెళ్ళడానికి నన్ను పురిగొల్పిన ప్రధానాంశం #పెద్దాపురం కళాకారుల కళాసృష్టి అయిన #గరుడ మరియు#హనుమ విగ్రహాలు చూడడానికి...

#అలిపిరి ద్వారం గుండా శ్రీవారిని దర్శించుకోవాలకునే భక్తులకు స్వాగతం పలుకుతాడు#గరుఖ్మంతుడు

ఇంకొంచెం దూరం వెళ్ళగానే దర్శనమిస్తాడు #హనుమంతుడు

ఈ రెండు విగ్రహాలు పెద్దాపురం శిల్ప కళాకారులైన #శ్రీ_తోగు_లక్ష్మణస్వామి గారి ఆధ్వర్యంలో శిల్పులు #శ్రీ_దాసరి_సుబ్బరాజు, #శ్రీ_ప్యాసు_ధర్మరాజు... మొదలైన వారు తయారు చేయడం జరిగింది. ఇవి అక్కడ ఏర్పాటు చేయడానికి చిన్న కారణం ఉంది. ఒకనాడు తిరుమల కాలి నడక మార్గంలో ఒక మహిళ హత్యకు గురవడంతో భక్తులు భయ భ్రాంతులకు గురయ్యేవారు అందుచేత టి.టి.డి ఎగ్జిక్యూటివ్ ఆఫీసర్ గా పనిచేసిన శ్రీ. పి. వి. ఆర్. కె. ప్రసాద్ గారు - భక్తులలో ధైర్యాన్ని నింపేదుకు అచ్చం దేవుడే మన ఎదుట ఉన్నాడా అనే రీతిలో ఉండే విగ్రహాలను తయారు చేయించడం జరిగింది.

ఈ రెండు విగ్రహాలూ తిరుమలకి ప్రత్యేక ఆకర్షణ అనడంలో ఏమాత్రం సందేహం లేదు తిరుమల చేరిన తరువాత అక్కడక్కడా మీకు సప్తగిరులను విద్యుత్ దీపాలంకరణలో చూపించే కొన్ని ఎక్సిబిషన్స్ ఏర్పాటు చేస్తారు అక్కడ కూడా అటు #గరుడా ఇటు #హనుమా విగ్రహాలు మధ్యలో#శ్రీ_వెంకటేశ్వర_స్వామి వారి విగ్రహం చూపరులకు కన్నుల పండుగ గా ఉంటుంది.

తరువాత #తరిగొండ_వెంగమాంబ అన్నదాన సత్రం లో
శేషాచల, వృషభాచల, గరుడాచల ,అంజనాచల ,నీలాచల, వేంకటాచల నారాయణాచలాల నయనానంద కరమైన చిత్రరాజం #పెద్దాపురం_కళాకారుల కళా ఖండాలైన #గరూడ #హనూమవిగ్రహాల మధ్యలో ఉంటుంది నిజంగా చూడడానికి రెండు కళ్ళూ చాలవు... ఈసారి తిరుపతి వెళ్ళినప్పుడు ఈ రెండు విగ్రహాలను కూడా దర్శించి తరించగలరు.... వంగలపూడి శివకృష్ణ

VANGALAPUDI SIVA KRISHNA PEDDAPURAM

పెద్దాపురం చరిత్ర

దాదాపు 12 సంవత్సరాల క్రితం నాటి నా కవిత (పిచ్చి రాత) 
నేను M.R College లో ఇంటర్ చదువుతున్నప్పుడు రాసింది -#మొదటి_అక్షరాలన్నీ_కలిపితే_నాపేరు_వచ్చేలా... ! అప్పట్లో ఇదో సంచలనం... ! అద్భుతం... ! ఇది ఎప్పుడు చూసినా ఎదో తెలియని భావోద్వేగం ... అర్ధం పర్ధం లేని ఇలాంటి పిచ్చి రాతలెన్నో నా పాత నోటు పుస్తకాలల్లో

A Poem on Peddapuram maridamma - Vangalapudi Siva Krishna

పెద్దాపురం చరిత్ర

హరియైన హరుడైన నింద్రుడైనా అబ్జాసనుండైనా ని
న్నె ఱుంగజాలరు నీ మహిమ మాకెంచగ శఖ్యంబటే
పరదేవీ విషజాతమారుతవల త్పాదద్వయా దూరమై
మరిడీదేవతా ! మమ్ము బ్రోవగదటమ్మా పొమ్మ మాయమ్మవై

PEDDAAPURAM PALLE SUDDHULU - BY Vangalapudi Siva Krishna

పెద్దాపురం చరిత్ర

మన పెద్దాపురం : గొల్ల సుద్దులు, పల్లె సుద్దులు

కొమ్ములు దీరణాలు జిగుగుల్కెడు వ్రాతల కృష్ణ లీలలం
గ్రమ్ము గుడార్లు వీరుడగు కాటమ రాజు కాథానులాపముల్
బమ్మిన పుస్తకాలు ముఖ పట్టిడి కట్టురు మాలలున్నెటా
సొమ్ములు నావముల్ వెలయు సుద్దుల గొల్లలు వచ్చి రెంటయున్.

చాలా సంవత్సరాల క్రితం మొదలై ఇటీవల కంటికి కనిపించడమే కాదు కనీసం వినిపించకుండా పోయిన జాన పద కళా రూపాలివి
మహాశివుని ఢమరుఖం నుండే అక్షరాలు పుట్టాయి అని ఆ మహాశివుడు నాట్యం చేస్తున్నప్పుడు జాలువారిన తొలి చెమట చుక్క అయిన బీరప్ప ని గొల్లలు వారి కుల దైవంగా పూజించుకుంటారు. అయితే వీరిలో ఎర్ర గొల్లలు యాదవులు గా పిలువ బడుతూ శ్రీ కృష్ణ పరమాత్ముని వారి కులదైవంగా పూజించుకుంటారు, వీరంతా యాదవ యోధుడైన కాటమ రాయున్ని ఆరాధిస్తారు, అందుచేత జానపద కళా రూపాల ద్వారా వీరి కుల దైవాలైన బీరప్ప - కృష్ణ లీలలు, కాటమ రాయుడు కథలతో పాటుగా, వీరభద్రుడి కథ, స్థానిక చరిత్రలు, తాతల కాలం నాటి కథలు, పురాణాలలోని చిన్న కథలు ఈ కథాగాన కళా ప్రదర్శన ద్వారా తెలియజేసేవారు మన పెద్దాపురం చరిత్రని దాని వైభవాన్ని, గ్రామ దేవతల కథలనూ, పెద్దాపురం పాండవులమెట్ట ప్రాశస్త్యాన్ని, పాండవుల కధలను ఆంధ్ర రాష్ట్రమంతటా తెలియచేసింది ఈ జానపద కళలే... ఆ తరువాత కళ అనేది ఎదో ఒక కులానికే పరిమితం కాకుండా విస్తరింపబడాలి అనే సదుద్దేశం తో ప్రజా నాట్య మండలి వారు పల్లె సుద్దులు పేరుతో సామాజిక రాజకీయ అంశాలను ప్రజలకు చేరవేసేందుకు అనేక మైన బృందాలను తయారు చేశారు వీరు రాష్ట్రం నలుమూలలా ప్రదర్శన లిచ్చి అనేక మంది ప్రముఖల మన్ననలు పొందారు పల్లె సుద్దులు ద్వారా పెద్దాపురం పేరు రాష్ట్ర వ్యాప్తంగా మారు మోగించారు అందుకే చరిత్ర వైభవం నిలవాలంటే జానపద కళలు నిలవాలి.

JAI PEDDAPURAM JAI JAI PEDDAPURAM - BY VANGALAPUDI SIVA KRISHNA

పెద్దాపురం చరిత్ర

జై పెద్దాపురం..... జై జై చారిత్రక పెద్దాపురం

మహదైశ్వర్యములనుభవించి యువ పరాక్రమ చరిత్రతో విరాజిల్లిన చారిత్రక పెద్దాపురం అసలు చరిత్ర తెలుసుకో... 300 సంవత్సరాలు పెద్దాపుర మహా సంస్థానాన్ని పరిపాలించిన వత్సవాయ వంశ వైభవం తెలుసుకో

రణమున గుఱ్ఱంపు రౌతులఁ బరిమార్చె
వాసిగా నెఱజెర్ల వాక లోనఁ
బెద్దాపురంబున బిరుదాంకపురిలోన
యవనవీరులఁ బరా హతులఁ జేసెఁ
బ్రతిఘటించు నరేంద్ర సుతుని దర్ప మడంచెఁ
దిరుపతి చెంత భూవరులు మెచ్చఁ
దూరుపునాట శత్రుక్షత్రనక్షత్ర
రుచిరూపు మాపే సూర్యుం డనంగ

38 గ్రామాలతో ఉన్న కోఠాం ఎస్టేటు (గోదావరి జిల్లా, తుని) ఒకప్పుడు పెద్దాపురం సంస్థానంలో ఒక చిన్న భాగం అలాంటి 585 గ్రామాలు మరియు పట్టణములతో విరాజిల్లిన పెద్దాపుర మహా సంస్థానాన్ని, పురాణ పురుషులు, రాజులు, మహా రాజులు, మహారాణులు, కవులు, కళాకారులు, స్వాతంత్ర్య సమరయోధులు, పోరాట యోధులు నడయాడిన పెద్దాపురాన్ని నా ఊరు పెద్దాపురం అని గర్వంగా చెప్పుకోలేక పోవడం కంటే హీనం మరొకటి ఉండదు .... జై పెద్దాపురం జై జై చారిత్రక పెద్దాపురం

VANGALAPUDI SIVA KRISHNA'S PEDDAPURAM HISTORY

పెద్దాపురం చరిత్ర
38 గ్రామాలతో ఉన్న కోఠాం ఎస్టేటు (గోదావరి జిల్లా, తుని) ఒకప్పుడు పెద్దాపురం సంస్థానంలో ఒక చిన్న భాగం అలాంటి 585 గ్రామాలు మరియు పట్టణములతో విరాజిల్లిన పెద్దాపుర మహా సంస్థానాన్ని, పురాణ పురుషులు, రాజులు, మహా రాజులు, మహారాణులు, కవులు, కళాకారులు, స్వాతంత్ర్య సమరయోధులు, పోరాట యోధులు నడయాడిన పెద్దాపురాన్ని నా ఊరు పెద్దాపురం అని గర్వంగా చెప్పుకోలేక పోవడం కంటే హీనం మరొకటి ఉండదు ....

ఇలాంటివి ఎన్నో విషయాలు మనలో చాలా మందికి తెలియదు .. మన ఊరు చరిత్ర గొప్పతనాన్ని నిరంతరం పోస్ట్ ల ద్వారా తెలియచేస్తున్న మన మిత్రుడు Vangalapudi Siva Krishna గారికి ధన్యవాదాలు .. పెద్దాపురంలో ఉన్న చరిత్రకారులు మరియు మేధావులు సహకారంతో పెద్దాపురం చరిత్ర మొత్తాన్ని ఒక పుస్తక రూపంలో తీసుకురావలని శివకృష్ణ ని కోరుకుంటున్నా. ఈ పుస్తకానికి అయ్యే ఖర్చులో పెద్దాపురం పౌరుడిగా నా వంతు సాయం చేస్తానని హామీ ఇస్తున్నా ..మరి మీరు ?

ఇది చారిత్రక అవసరం..భవిష్యత్ కు పునాది!!ప్రతీ పెద్దాపురం పౌరుడు స్పందిస్తారని ఆశిస్తూ !!

KASI YATHRA CHARITHAM - PEDDAPURAM BY VANGALAPUDI SIVA KRISHNA

పెద్దాపురం చరిత్ర

Yenugula Veeraswamayya kaseeyatra Charitra Saying about Peddapuram

#కాశీయాత్రా_చరిత్ర: ఏనుగుల వీరాస్వామయ్య గారు #పెద్దాపురం_సందర్శనం
1831 జులై 20వ తేదీ, దాదాపు 185 సంవత్సరాల క్రితం ఏనుగుల వీరాస్వామయ్య గారు పెద్దాపురాన్ని సందర్శించడం జరిగింది - ఆ సమయంలోనే ఆయన
పెద్దాపురం పిఠాపురం ల మధ్య ప్రవహించే #యేలా నది గురించి,
పెద్దాపురం అనే ఊరు #పిఠాపురం కంటే గొప్పది ఇక్కడి ఇల్లు చాలా పెద్దవి,
పెద్దాపురం తాలూకాలో 3,00,000 అంగళ్ళు (సరుకులు అమ్మేవి) ఉన్నాయి అన్ని రకాల పదార్థాలు దొరుకుతున్నాయి,
పెద్దాపురం #మహారాణీ శ్రీ రాజా వత్సవాయి బుచ్చి సీతాయమ్మ దేవి అప్పటికి 3 సంవత్సరాలుగా సత్రం నడుపుతూ ఉండడం లాంటి పలు ఆసక్తి కరమైన విషయాలు కూడా ప్రస్తావించారు.....
#చారిత్రక పెద్దాపురంలో ఇలాంటి విశేషాలెన్నో చారిత్రిక గ్రంధాలలో పెద్దాపురం గురించి ఇలాంటి ప్రస్తావనలెన్నో ఉన్నాయి అవన్నీ మీముందు ఉంచే ప్రయత్నం చేస్తాను మీ యొక్క సహాయ సహాకారాలను ఆకాంక్షిస్తూ .... మీ #వంగలపూడి_శివకృష్ణ -

AIDS DAY BY PEDDAPURAM YOUTH @ENTIRE ANDHRA PRADESH

VANGALAPUDI SIVAKRISHNA
-------------------------------------
రాష్ట్రమంతటా HIV / AIDS Campaign చేసిన ఆనాటి రోజులు గుర్తుకొచ్చాయి

అది పెద్దాపురాన్ని కాల సర్పం కసిగా కాటు వేసిన కాలం
కాలధర్మం కోసం కాలయముడు కాచుకు కూర్చున్న కాలం
ప్రపంచానికి పెద్దాపురాన్ని వేశ్యాపురంగా పరిచయం చేసిన కాలం

కడుపు దహించుకు పోతున్నా శరీరం కుచించుకు పోతున్నా
తప్పని సరి పరిస్థితులలో తప్పుడు మంచాలు చేరి
పడుపు వృత్తి పంచన వంచనలు భరించిన
కళావంతుల కన్నెల వేదనలు ఓవైపు


వ్యసనాలకు బానిసలై విష సంస్కృతి పీడితులై
విచ్చల విడి కామికులై వీధుల పడి తిరుగుతూ
వి.సి.డి లలో బూతు పురాణమ్ విలువైన కాలం వేశ్యార్పణం
వద్దని వారిస్తున్నా వినిపించని వైనంతో మూర్కత్వపు యువకులు వైపు


వెరసి ఆనాటి పెద్దాపురం లో ....... !
వీధి వీధి కి విగతజీవులు
ఊరి పొడవునా జీవచ్చవాలు
మరణ శాసనం మనో పలకం పై
ముద్రించుకున్న మూగజీవులు - ఎయిడ్స్ రోగులు

PEDDAPURAM MARIDITHALLI - BY VANGALAPUDI SIVAKRISHNA

పెద్దాపురం చరిత్ర
మమతల మా అమ్మ తల్లి
మము కాచే కల్పవల్లి
పెద్దాపుర మరిడితల్లి
మాపురపు ఇలవేల్పు

Bangaramma Temple Peddapuram, Bangaramma Gudi Veedhi Peddapruam

పెద్దాపురం చరిత్ర

#బంగారు_మాతల్లి #బంగారమ్మ_తల్లి
నీ ప్రేమ శాశ్వతం నీ కరుణ అమృతం
అరుణ కాంతుల తల్లి అందాల తల్లి
అసమాన దీప్తివై అతీంద్రియ శక్తివై
అవనిలో వర్ధిల్లు అపరంజి దేవత
బంగారు కాంతితో వజ్రాల వెలుగుతో
దర్శనం ఇచ్చేటి ధరణేలు తల్లి
భక్తులను కాపాడి కోర్కెలను తీర్చగా
భువిలోన వెలిసిన బంగారు తల్లి
మన పెద్దాపురం శ్రీ శ్రీ శ్రీ బంగారమ్మ అమ్మవారి దివ్యమంగళ విగ్రహం దర్శించండి

శ్రీ బంగారమ్మ అమ్మవారు
Bangaramma Thalli Temple Peddapuram Near Bangaramma Gudi Veedhi Peddapuram పెద్దాపురం బంగారమ్మ అమ్మవారి స్తోత్రం వంగలపూడి శివకృష్ణ

వంగలపూడి శివకృష్ణ పెద్దాపురం - Vangalapudi Siva Krishna Peddapuram

పెద్దాపురం చరిత్ర

వంగలపూడి శివ కృష్ణ - పెద్దాపురం 

Centinery Celbrations to Peddapuram Municipality : Councilors వందేళ్ళ పెద్దాపురం మున్సిపాలిటీ

పెద్దాపురం చరిత్ర

వందేళ్ళ పెద్దాపురం మున్సిపాలిటీ కి వందనం
----------------------------------------------
శత వసంతాల పురపాలకం
పెద్దాపురం ప్రాచీన వైభవానికి తలమానికం
పాలక సేవక సమ్మేళనమై
ప్రజానీకానికి భవభాందవులై
మమ్ము ఏలిన సత్కళా సంపన్నులు
మన పెద్దాపురం చైర్ పర్సన్ లు

                                                                                                                                                                    పెద్దాపురం సంస్థానం 1847 వరకూ వత్సవాయ సూర్యనారాయణ జగపతి బహదూర్ పాలన కొనసాగింది. 1847 లో బ్రిటిష్ ఈస్ట్ ఇండియా కంపెనీ / జాన్ వాట్స్ కంపెనీ పెద్దాపురంను ఆక్రమించడం జరిగింది. తరువాత బ్రిటిష్ వారు పెద్దాపురంను రెవిన్యూ డివిజన్ చేసి మున్సబు కోర్టు నిర్మించారు. 1857 తిరుగుబాటు తర్వాత భారత దేశం లో కంపెనీ పాలన రద్దు చేయబడి 1858 నుండి బ్రిటీష్ రాజ్ ఆవిర్భవించింది. ఆ తరువాత కొంత కాలానికి 1902 లో బ్రిటీషు వారిచే "టౌన్ హాల్" నిర్మించబడి 1915 లో రాష్ట్రంలో నే రెండవ మున్సిపాలిటీ గా పెద్దాపురం ఆవిర్భవించబడింది. శ్రీ. వి. కె అనంత కృష్ణ అయ్యర్ మరియు శ్రీ. అభినవ పట్నాయక్ లు బ్రిటీషు గవర్నమెంటు వారిచే నియమించబడి 1915 నుండి 1918 వరకూ పెద్దాపురం మున్సిపాలిటీకి చైర్ మెన్ లుగా వ్యవహరించగా వీరి అనంతరం బ్రిటీషు వారిచే నియమింపబడిన పెద్దాపురం వాస్తవ్యుడైన మొట్టమొదటి చైర్మెన్

శ్రీ పింగళి కృష్ణారావు పంతులు గారు (1918 – 1921)

శ్రీ గోలి పెద కొండయ్య గారు (1921 – 1924) పెద్దాపురం మున్సిపాలిటీకి చైర్మెన్ గా ఏకగ్రీవంగా ఎన్నిక కాబడ్డారు

శ్రీ గుర్రాల కృష్ణా రావు గారు (1924-1926)

శ్రీ ముప్పన చిన వీర్రాజు గారు (1926-1928)

శ్రీ చల్లా దొరయ్య గారు (1928-1931)

శ్రీ జనాబ్ ఇస్మాయిల్ ఖాన్ సాహెబ్ గారు (1931-1933)

శ్రీ నియోగి వెంకట సుబ్బారావు గారు (1933-1934)

శ్రీ గొల్లకోట వెంకట రత్నం గారు (1934-1936)

శ్రీ జనాబ్ M.A కరీం సాహెబ్ గారు (1938-1941)

శ్రీ ముప్పన చిన అంకయ్య గారు (1943-1947)

శ్రీ ముప్పన పెద వీరభద్ర రావు గారు (1947-1952)

శ్రీ చల్లా వెంకట రావు గారు (1952-1956)

శ్రీ ముప్పన రామారావు గారు (1956 – 1972 & 1981- 1986) వరుసగా 4 సార్లు పెద్దాపురం మున్సిపల్ చైర్మన్ గా ఎన్నికై 1961-66 కాలానికి ఛాంబర్ చైర్మెన్ గా ఏకగ్రీవం గా ఎన్నిక కాబడి ఇప్పటి వరకూ ఎక్కువ కాలం చైర్మన్ గా చేసిన వ్యక్తి గా గుర్తింపు పొందారు.

శ్రీమతి తాళ్ళూరి గంగా భవాని గారు (1987-1992)

శ్రీమతి బచ్చు శ్రీదేవి గారు (1995-2000)

శ్రీమతి ముప్పన శ్యామలాంబ గారు (2005-2010)

శ్రీ రాజా వత్సవాయ సూరిబాబు రాజు గారు (2000 – 2005 & 2014 - ) రెండవ సారి చైర్మన్ గా వ్యవహరిస్తున్నారు

దినదిన ప్రవర్ధమాన మవుతూ నానాటికీ విస్తరిచబడుతూ నేటికి 28 వార్డులకు చేరుకున్న మన పెద్దాపురం మున్సిపాలిటీ మరిన్ని ఉన్నత శిఖరాలు చేరాలని పేదప్రజారహిత పెద్దాపురం కావాలని ఆకాంక్షిస్తూ ... మీ వంగలపూడి శివకృష్ణ

గమనిక: పైన ఉదహరించిన వాటి మద్య కాలాలలో ఏదేని కారణం చేత చైర్మన్ ఎన్నికలు నిర్వహించనప్పుడు ఆర్ డి. ఓ గారు గానీ జాయింటు కలక్టరు వారు గానీ లేక ఇతర అధికారులెవరైనా కానీ పురపాలకం నిర్వాహక భాద్యతను చేపట్టడం జరుగుతుంది దీనినే “స్పెషల్ ఆఫీసర్” పాలన గా వ్యవరిస్తారు.

Raya Bhupaala Patnam - RB Patnam - Peddapuram

రాయ భూపాల పట్నం - రాగమ్మ చెరువు - రత్నగర్భ వినాయకుడు 

రాయభూపాల పట్నం - వత్సవాయి రాయ జగపతి మహారాజు గారు కొంపెల్ల మహా లక్ష్మి (లక్ష్మీసోదెమ్మ) అనే బ్రాహ్మణ వితంతు మహిళకి కృతజ్ఞతా పూర్వకంగా సమర్పించిన లక్ష్మీపుర ఆగ్రహారానికి నామాంతరం.

అసలు ఈ కొంపెల్ల మహా లక్ష్మి ఎవరు రాజు గారు ఈమెకు ఎందుకు ఋణపడ్డారు అనే విషయం తెలియాలంటే ఈ చిన్న కదా చదవాల్సిందే .... !

రుస్తుం ఖాన్ పెద్దాపురం కోటను ఆక్రమించుకోవడానికి సైన్య సమేతం గా బయలుదేరాడన్న విషయం వేగుల(గూడాచారులు) ద్వారా రాగమ్మ గారికి తెలిసింది. ఏడాది బాలుడు, పెద్దాపురం సంస్థాన భావి వారసుడైన రాయగజపతిని తనకు అత్యంత సన్నిహితురాలైన కొంపెల్ల మహా లక్ష్మి (లక్ష్మీసోదెమ్మ) కి ఇచ్చి విజయనగర సంస్థాన మహారాజు పూసపాటి విజయరామరాజు గారి భార్య చంద్రాయమ్మకు ఇక్కడ జరిగినదంతా తెలియ చేసి ఈ బాలున్ని అప్పగించ వలసినదిగా ఆజ్ఞాపించింది. ఆతరువాత రాగమ్మ గారు మిగిలిన అంతపుర స్త్రీలు అందరు పెద్దాపుర సంస్థానానికి నమ్మకస్తుడైన సేవకుడు చల్లా పెద్ది చేత కోటకి నిప్పు పెట్టించుకుని అగ్నిప్రవేశం చేసారు.

కొంపెల్ల మహా లక్ష్మి పసిబాలుడు రాయ జగపతి ని ఎత్తుకుని విజయనగరం బయలు దేరుతుండగా మార్గమద్యంలో రుస్తుం ఖాన్ అనుచరులు ఆమెను ఆపి ఆబాలుడు ఎవరు అని ప్రశ్నించారు. దానికి ఆమె నా బాలుడే అని సమాదానం ఇచ్చింది. ఆ యొక్క వితంతు బ్రాహ్మణ స్త్రీ వేష దారణ చూసిన సైనికులకు ఆమెపై అనుమానం వచ్చి ఒక జామ పండు తెచ్చి ఆ బాలుడు తో కొరికించి ఆ ఎంగిలి పండును ఆమె ను తినమని చెప్పారు (ఆచార నియమాలు పవిత్రం గా బావించే ఆనాటి బ్రాహ్మణ స్త్రీలకు ఎంగిలి (యుచ్చిష్ట ఫలం) నిషిద్దం) అయినా బాలుని సంరక్షణార్ధం వారికి ఎటువంటి అనుమానం రాకుండా ఆ ఎంగిలి పండు తిని వారిని నమ్మించి అక్కడ నుండి బయలుదేరెను. ఆ వెనువెంటనే పెద్దాపురం కోట చేరుకున్న రుస్తుం ఖాన్ జరిగిన విషయం అంతా తెలుసుకుని సైనికులపై మండిపడి తక్షణమే బాలున్ని పట్టుకుని తీసుకు రావాల్సింది గా సైనికులను ఆజ్ఞాపించాడు.

ఆ బ్రాహ్మణ స్త్రీ సైనికులకు బాలుడుతో సహితం గా చేబ్రోలు వద్ద దొరికి పోయింది. బాలుడు రాయజగపతి ని చెరశాల లో వుంచవలసినది గా రుస్తుం ఖాన్ ఆజ్ఞాపించాడు. అంతట ఆ కొంపెల్ల మహా లక్ష్మి గారు నేనూ బాలుడితో సహా చెరలో ఉండేందుకు అనుమతించమని రుస్తుం ఖాన్ ను వేడుకుంది. చెర శాలలోనే ఉంటూ బాలున్ని కంటికి రెప్పలా కాపాడుకుంది. రాయ జగపతి ని చెరనుండి విడిపించడానికి అహర్నిశలూ కృషి చేసింది.
రుస్తుం ఖాన్ బార్యతో సన్నిహితం గా ఉంటూ అదను చూసుకొని రాయ జగపతి రుస్తుం ఖాన్ వద్దనే బందీగా ఉన్నాడనే విషయం విజయనగరానికి చేర వేసింది.
రుస్తుం ఖాన్ ను తన సొంత కొడుకు నూరుద్దీన్ ఖాన్ చేతిలో నే దారుణంగా హత్య కావించబడ్డాడు.
విజయనగర మహారాజు పెద విజయరామ రాజు గారు పదివేల సైన్యంతో మరియు 2 వేల భోయీల తో నూరుద్దీన్ ఖాన్ పై దండెత్తి వచ్చి చేబ్రోలు దగ్గర పెద్దయుద్ధం చేసి నూరుద్దీన్ ఖాన్ ను హతమార్చి బాలున్ని చెరనుండి విడిపించి యుక్త వయస్సు వచ్చే వరకూ తమ వద్దనే ఉంచుకుని "నీమత్ ఆలీ” తో ఒప్పందం కుదుర్చుకుని పెద్దాపురం సంస్థానా నికి రాయ జగపతి ని రాజు చేసెను.
ఆ రకంగా ఎంతో సాహసంతో, తన ప్రాణాలకు తెగించి వత్సవాయ వంశాంకుర మైన తనను కాపాడినందుకు కృతజ్ఞతతో తాను సంస్తానాదీశుడైన వెంటనే కొంపెల్ల మహాలక్ష్మి గారి కి ఒక అగ్రహారాన్ని బహుమతి గా ఇచ్చారు. ఆ తరువాత రాజుగారి తాతగారు రాయపరాజు పేరుమీద అక్కడ ప్రతీ సంవత్సరం అనేక కార్యక్రమాలు, యజ్ఞ యాగాలు జరిగేవి. అందుచేత ఆ ఆగ్రహారానికి రాయభూపాల అగ్రహారం అని పేరు వచ్చింది. ఆ రాయభూపాల అగ్రహారమే ఇప్పటి రాయభూపాల పట్నం.

రాగవమ్మ చెరువు
ఆ తరువాత కాలంలో ఆ అగ్రహారమంతా పంటలు సుభిక్షం గా పండేందుకు వీలుగా రాయ జగపతి గారి నాయనమ్మ/ అగ్ని ప్రవేశం ఆత్మత్యాగం చేసుకున్న రాగమ్మ గారి పేరు మీద పెద్ద చెరువు త్రవ్వించినట్లు స్థానిక చరిత్రము నుండి తెలుస్తున్నది.

రత్నగర్భ వినాయకుడు.
అతి పురాతనమైన ఎంతో చరిత్రగలిగి తన పొట్టలో రత్నాలను దాచుకున్న శ్రీ రత్న గర్భ వినాయకుల వారికి రాజుల కాలం నుండీ కూడా ఎంతో వైబోగం జరిగిందని ప్రతీతి.

మీ వంగలపూడి శివకృష్ణ